1. |
Naak voor jou
03:46
|
|||
|
_____________________________________________
NAAK VOOR JOU
Met al die hartseer en onverdiende pyn
het ek gemaak dat ons son verdwyn
Jou vele trane het ek eerlik nie bedoel
en ek weet nou hoe dit voel
Durf ek dan vra vir 'n kans
om wat oorbly met jou deur te dans
Hier is 'n man wat belei hy't berou
en nou staan ek naak voor jou
Hierdie man staal wat nooit kon val
is dalk te optimisties
Om te dink; vergifnis stel hom vry
Maar daar's 'n stem wat al hoe helder word
Jy's al een vir my, Jy's al een vir my, Jy's al een vir my
Ek wil nie oor nie maar eerder nuut begin
en met my hart jou ewig terug win
Minder mooi woorde en meer bewys deur daad
Is dit dalk te min te laat?
Jy ken my nie as een met hoed in hand
maar ek besef ek's nie teen jou bestand
Kyk nog net een keer en ek sal my daarby hou
soos ek staan hier naak voor jou
______________________________________________
|
||||
2. |
Duisend engele
03:26
|
|||
|
_____________________________________________
DUISEND ENGELE
In die stilte van die nog-donker vroee oggend ure
onbewus van die koud teen my kniee
Hoof gebuig maar my hart omhoog
verdruk in die vierkant van my kamer mure
Dis maar moeilik as mens om te verstaan
toe jy so haastig huistoe moes gaan
Ek berus dit was Jou wil
om haar te neem en my oor te slaan
Ek weet 'n duisend engele
jou veilig in hul vleuls vou
totdat ek eendag weer
jou in my arms hou
Liefling ek glo jy my trane kan hoor
My hart's in skerwe deur jou te verloor
Maar ek koester my tyd met jou
Daar bly maar min van my nou oor
My kruis voel vir my te swaar
Ek is hier en jy's al daar
So wreed geskei, ek kan nie
hoe kan ek dit aanvaar?
Ek weet 'n duisend engele
jou veilig in hul vleuls vou
totdat ek eendag weer
jou in my arms hou
Het al oorweeg om by jou aan te sluit
maar dis teen Sy wil en tot my spyt
Met frustrasie en min geduld
bly ek in die lewe toegesluit
Maar ek weet jy wel eendag neer sal daal
Waneer jy en die duisend engele my ook kom haal
______________________________________________
|
||||
3. |
Vere
03:20
|
|||
|
__________________________________________
VERE
Paashaas en die tokolos
Kersvader en die tande muis
Vrydag die dertiende
sambreel oopvleul in die huis
Loop onderdeur 'n leer
'n swart kat kruis jou pad
Of 'n gebreukte spieel
se sewe jaar van smart
Bygeloof denke verdoof
onwetent geestelik beroof, maar
Ek voel vere vir 'n volmaan maanhaar aand
Met vrot informasie verkrag
die siel le oop gespalk
terwyl die verstand se are
stadig toe verkalk
En wat van 'n pratende slang
feetjies en ander feite?
Onkunde geloof en vrees
verberg wat le daar buite
Baie bid dat die biesies bewe
maar daar's veel meer as net glo en vergewe
Ek voel vere vir 'n volmaan maanhaar aand
Ek voel vere vir 'n volmaan maanhaar aand
My liewe volk ek kan dit nie glo nie
elke dag nog 'n kaf storie
Ek voel vere vir 'n volmaan maanhaar aand
Stadig nou, wag so bietjie
miskien is hierdie net nog 'n liedjie
Bygeloof denke verdoof
onwetent geestelik beroof, maar
Ek voel vere vir 'n volmaan maanhaar aand
Ek voel vere vir 'n maanhaar volmaan aand
Ek het vrede...
__________________________________________
|
||||
4. |
Jy
03:26
|
|||
|
_____________________________________________
JY
Ek duik diep in vlak waters
Tiekiedraai op 'n speld se punt
Klouter van kruin na krater
Waaierskuim in die wind
Ek's 'n man met saai talent
Gewis in liefde insolvent
Ek dra 'n vrag vol flaters
en die swaarste daarin vir my ... is
Jy
by my verby
Wens ek kon dit vermy
Hoe het ek jou deur my vingers laat gly?
Ek leer teen 'n slakkepas
'n duisend drome le veras
Waar? Waar was die wysheid?
Die hande toer te gou my sande loop uit
Jy
by my verby
Wens ek kon dit vermy
Hoe het ek jou deur my vingers laat gly?
Jou roos-reuk in my kussing
ek wens, ek wens dit was nog hier
As ek maar die mag gehad het
sou ek dit nou so bestier
Ek dra 'n vrag vol flaters
en die swaarste bly altyd jy...
____________________________________________
|
||||
5. |
Struikel en val
03:30
|
|||
|
_____________________________________________
STRUIKEL EN VAL
Die lewe slyp verby
en dis meestal verras verraai of verlei
Gebede paai waar ons nie kan kry
en in my geval - is dit jy
Elke hartklop klop, klop aan by jou
maar waar staan ek nou?
Ek struikel en val
Staan op maar wankel
om weer om te kantel
Val vas in jou klei
Is daar 'n vastrap plek vir my?
Ek struikel en val
Staan op maar wankel
om weer om te kantel
Moedeloos verby
om 'n vasvat plek in jou hart te kry
Ek's nie een wat maklik kla
Jou hart en hand is al wat ek vra
Geknak gekneus en kreupel
klop ek nog steeds
Ek struikel en val
Staan op maar wankel
om weer om te kantel
Val vas in jou klei
Is daar 'n vastrap plek vir my?
Ek struikel en val
Staan op maar wankel
om weer om te kantel
Moedeloos verby
om 'n vasvat plek in jou hart te kry
Ek struikel en val
Staan op maar wankel
om weer om te kantel
Val vas in jou klei
Is daar 'n vastrap plek vir my?
Ek struikel en val
Staan op maar wankel
om weer om te kantel
Moedeloos verby
om 'n vasvat plek in jou hart te kry
__________________________________________
|
||||
6. |
Niks
04:17
|
|||
|
_____________________________________________
NIKS
Snaaks hoe die wereld se wonders kan verdwyn
en vlinders vaal word soos hul kleure kwyn
dig bos woude word woestyne sonder keer
Die gelag van kinders klink nie meer
Dis meer as moontlik en dit weet ek nou
Dis die uitkoms sonder jou
Die duister sal die son se strale versmoor
en al's bedek in 'n kleed van nag en koud
Ek wil fluister sodat almal sal hoor
Daar is niks sonder jou
Ek sal dit skreeu tot ek my stem verloor
my wereld wentel om jou
Daar is niks sonder jou
Ver-weg diamante op swart fluweel gesaai
wat wink en vonkel terwyl die wereld draai
Nag na nag soos 'n wakende sambreel
laat dit my weet ek's ook daarvan deel
Is dit waar of maar 'n droom wat ek onthou?
Want dis al's net mootlik met jou
Die duister sal die son se strale versmoor
en al's bedek in 'n kleed van nag en koud
Ek wil fluister sodat almal sal hoor
Daar is niks sonder jou
Ek sal dit skreeu tot ek my stem verloor
my wereld wentel om jou
Daar is niks sonder jou
Is dit waar of maar 'n droom wat ek onthou?
Is dit werklik of net 'n beeld waaraan ek klou?
Vir my bestaan daar niks sonder jou
en ek veral is niks...
_____________________________________________
|
||||
7. |
Ek glo
03:39
|
|||
|
_____________________________________________
EK GLO
Rook en spieels, vlug tower hande
verdof en duister ons visier
My hart hou stuur, kies koers getrou
en dis al waaraan ek klou
Ek glo in die vrug wat arbeid dra
Ek glo in getrouheid wat die liefde vra
Ek glo in die algehele goedheid van die mens
Ek glo dis 'n fout om die tyd om te wens
Ek glo 'n mens se woord moet teen alle aanval staan
en onvoorwaardelike liefde wel bestaan
En waar kan daar wins wees in 'n ander se tereur?
En ek glo daar is feite wat mislei
Maar ek weet daar's 'n hemel want daar's jy
Ek glo wie waarheid soek sal kry
en ek weet daar's 'n hemel - danksy jy...
_____________________________________________
|
||||
Wiehahn Winterbach Midrand, South Africa
Haai! Ek's Wiehahn Winterbach en ek maak musiek as ek kans kry. Die liedjies is in my kamer, er, moderne ateljee opgeneem,
(as die bure weg is...)
Die liedjies kom maar van self. Ek's soos 'n ou AM radio wat so tussen die gesuis luister vir melodiee.
Groete!
------------------------------
... more
If you like Wiehahn Winterbach, you may also like:
Time is Glass
by Six Organs of Admittance
Recorded at home, Six Organs of Admittance's 21st album upholds Ben Chasny's reputation for experimental psych-folk excellence.
go to album
The Power Of The Heart: A Tribute To Lou Reed
by Various Artists
Keith Richards, Rosanne Cash, Lucinda Williams, Joan Jett, and more pay tribute to the enduring and visionary music of Lou Reed.
go to album
A Chaos Of Flowers
by BIG|BRAVE
Leaning into the sparse, impressionistic sound of 2023's albu "Nature Morte," the Montreal metallurgists sound as heavy and radiant as ever.
go to album
The Seattle band work around the edges of shoegaze and dream pop with a rare sense of clarity and momentum.
go to album
Every Bird Ever [Album]
by Ilithios
The new record from Brooklyn indie group Ilithios is full of big-hearted songs with the hooks to match.
go to album
This Could Be Texas
by English Teacher
The UK upstarts' debut veers from sunny, psychedelic folk to bristling post-punk with reckless abandon without ever missing a beat.
go to album
Move To The Trees
by Winter McQuinn
Winter McQuinn mixes soft rock and psychedelic folk for a sound reminiscent of classic pop purveyors like Cut Worms and the Lemon Twigs.
go to album
